Святоотеческое наследие
Русскій Порталъ- Церковный календарь- Русская Библія- Осанна- Святоотеческое наслѣдіе- Наслѣдіе Святой Руси- Слово пастыря- Литературное наслѣдіе- Новости

Святоотеческое наслѣдiе
-
Гостевая книга
-
Новости
-
Написать письмо
-
Поискъ

Святые по вѣкамъ

Изслѣдованiя
-
I-III вѣкъ
-
IV вѣкъ
-
V вѣкъ
-
VI-X вѣкъ
-
XI-XV вѣкъ
-
Послѣ XV вѣка
-
Acta martyrum

Святые по алфавиту

Указатель
-
Свт. Іоаннъ Златоустъ
А | В | Г | Д | Е
-
З | И | І | К | Л
-
М | Н | О | П | Р
-
С | Т | Ф | Х | Э
-
Ю | Ѳ
Сборники

Календарь на Вашемъ сайтѣ

Ссылка для установки

Православный календарь

Новости сайта



Сегодня - воскресенiе, 25 iюня 2017 г. Сейчасъ на порталѣ посѣтителей - 12.
Если вы нашли ошибку на странице, выделите ее мышкой и щелкните по этой ссылке, или нажмите Ctrl+Alt+E

СБОРНИКИ И ПРОИЗВЕДЕНIЯ НЕИЗВѢСТНЫХЪ АВТОРОВЪ

КАНОНЫ ИЛИ КНИГА ПРАВИЛЪ
Святыхъ Апостолъ, Святыхъ Соборовъ Вселенскихъ и Помѣстныхъ и Святыхъ Отецъ.

Сѵмвóлы вѣры.

Сѵмволъ вѣры трехъ сотъ осминадесяти святыхъ отецъ Перваго Вселенскаго Собора, Никейскаго.

Вѣруемъ во единаго Бога Отца, Вседержителя, Творца всѣхъ видимыхъ и невидимыхъ. И во единаго Господа Іисуса Христа, Сына Божія, единороднаго, рожденнаго отъ Отца, то есть, изъ сущности Отца, Бога отъ Бога, Свѣта отъ Свѣта, Бога истинна отъ Бога истинна, рожденна, не сотворенна, единосущна Отцу, Имже вся быша, яже на небеси и на земли: насъ ради человѣкъ и нашего ради спасенія сшедшаго, и воплотившася и вочеловѣчшася, страдавша, и воскресшаго въ третій день, и возшедшаго на небеса, и сѣдяща одесную Отца, и паки грядущаго судити живымъ и мертвымъ. И во Святаго Духа. Глаголющихъ же о Сынѣ Божіемъ, яко бысть время, егда не бѣ, или яко прежде неже родитися, не бѣ, или яко отъ не сущихъ бысть, или изъ иныя ѵпостаси или сущности глаголющихъ быти, или превратима или измѣняема Сына Божія, сихъ анафематствуетъ Каѳолическая и Апостольская Церковь.

Сѵмволъ вѣры ста пятидесяти святыхъ отецъ Втораго Вселенскаго Собора, Константинопольскаго.

Вѣруемъ во единаго Бога Отца, Вседержителя, Творца небу и земли, видимымъ же всѣмъ и невидимымъ. И во единаго Господа Іисуса Христа, Сына Божія, единороднаго, Иже отъ Отца рожденнаго прежде всѣхъ вѣкъ, Свѣта отъ Свѣта, Бога истинна отъ Бога истинна, рожденна, не сотворенна, единосущна Отцу, Имже вся быша: насъ ради человѣкъ, и нашего ради спасенія сшедшаго съ небесъ, и воплотившагося отъ Духа Свята и Маріи Дѣвы, и вочеловѣчшася: распятаго же за ны при Понтійстѣмъ Пилатѣ, и страдавша, и погребенна: и воскресшаго въ третій день по писаніемъ: и возшедшаго на небеса, и сѣдяща одесную Отца: и паки грядущаго со славою судити живымъ и мертвымъ, Его же царствію не будетъ конца. И въ Духа Святаго, Господа, Животворящаго, Иже отъ Отца исходящаго, Иже со Отцемъ и Сыномъ спокланяема и сславима, глаголавшаго Пророки. Во едину Святую, Соборную и Апостольскую церковь. Исповѣдуемъ едино крещеніе во оставленіе грѣховъ. Чаемъ воскресенія мертвыхъ, и жизни будущаго вѣка. Аминь.

Догматъ шести сотъ тридесяти святыхъ отецъ Четвертаго Вселенскаго Собора, Халкидонскаго.
О двухъ естествахъ во единомъ лицѣ Господа нашего Іисуса Христа.

Послѣдующе Божественнымъ отцемъ, всѣ единогласно поучаемъ исповѣдывати единаго и тогожде Сына, Господа нашего Іисуса Христа, совершенна въ Божествѣ и совершенна въ человѣчествѣ: истинно Бога и истинно человѣка, тогожде изъ души и тѣла: единосущна Отцу по Божеству, и единосущна тогожде намъ по человѣчеству: по всему намъ подобна, кромѣ грѣха: рожденна прежде вѣкъ отъ Отца по Божеству, въ послѣдніе же дни тогожде, ради насъ и ради нашего спасенія, отъ Маріи дѣвы Богородицы, по человѣчеству: единаго и тогожде Христа, Сына, Господа, единороднаго, во двухъ естествахъ неслитно, неизмѣнно, нераздѣльно, неразлучно познаваемаго, (никакоже различію двухъ естествъ потребляему соединеніемъ, паче же сохраняему свойству коегождо естества, во едино лице и во едину ѵпостась совокупляемаго): не на два лица разсѣкаемаго или раздѣлаемаго, но единаго и тогожде Сына, и единороднаго Бога Слова, Господа Іисуса Христа, якоже древле Пророцы о Немъ, и якоже Самъ Господь Іисусъ Христосъ научи насъ, и якоже предаде намъ Сѵмволъ отецъ нашихъ.

Догматъ ста седмидесяти святыхъ отецъ Шестаго вселенскаго Собора, Константинопольскаго.
О двухъ воляхъ и дѣйствіяхъ въ Господѣ нашемъ Іисусѣ Христѣ.

И двѣ естествснныя воли или хотѣнія въ Немъ, и два естественныя дѣйствія, неразлучно, неизмѣнно, нераздѣльно, несліянно, по ученію Святыхъ отецъ нашихъ, такожде проповѣдуемъ: два же естественныя хотѣнія не противныя, да не будетъ, якоже нечестивіи еретицы рекоша, но Его человѣческое хотѣніе, послѣдующее, и не противостоящее, или противоборствующее, паче же и подчиняюшееся Его Божественному и всемогущему хотѣнію.

Догматъ трехъ сотъ шестидесяти седми святыхъ отецъ Седмаго Вселенскаго Собора, Никейскаго.
О иконопочитаніи.

Хранимъ не нововводно всѣ, писаніемъ, или безъ писанія установленныя для насъ Церковныя преданія, отъ нихъ же едино есть иконнаго живописанія изображеніе, яко повѣствованію Евангельскія проповѣди согласующее, и служащее намъ ко увѣренію истиннаго, а не воображаемаго воплощенія Бога Слова, и къ подобной пользѣ. Яже бо едино другимъ указуются, несомнѣнно едино другимъ уясняются. Симъ тако сущимъ, аки царскимъ путемъ шествующе, послѣдующе Богоглаголивому ученію Святыхъ отецъ нашихъ и преданію Каѳолическія Церкве (вѣмы бо, яко сія есть Духа Святаго въ ней живущаго), со всякою достовѣрностію и тщательнымъ разсмотрѣніемъ опредѣляемъ: подобно изображенію честнаго и животворящаго Креста, полагати во святыхъ Божіихъ церквахъ, на священныхъ сосудахъ и одеждахъ, на стѣнахъ и на дскахъ, въ домахъ и на путяхъ, честныя и святыя Иконы, написанныя красками и изъ дробныхъ каменій и изъ другаго способнаго къ тому вещества устрояемыя, якоже Иконы Господа и Бога и Спаса нашего Іисуса Христа, и непорочныя Владычицы нашея святыя Богородицы, такождо и честныхъ Ангеловъ, и всѣхъ Святыхъ и преподобныхъ мужей. Елико бо часто чрезъ изображеніе на Иконахъ видимы бываютъ, потолику взирающіи на оныя подвизаемы бываютъ воспоминати и любити первообразныхъ имъ, и чествовати ихъ лобызаніемъ и почитательнымъ поклоненіемъ, не истиннымъ, по вѣрѣ нашей, Богопоклоненіемъ, еже подобаетъ единому Божескому естеству, но почитаніемъ по тому образу, якоже изображенію честнаго и животворящаго Креста и святому Евангелію и прочимъ святынямъ, ѳѵміамомъ и поставленіемъ свѣщей честь воздается, яковый и у древнихъ благочестный обычай былъ. Ибо честь воздаваемая образу преходитъ къ первообразному, и покланяющійся Иконѣ, покланяется существу изображеннаго на ней. Тако бо утверждается ученіе Святыхъ отецъ нашихъ, сіесть, преданіе Каѳолическія Церкве, отъ конецъ до конецъ земли пріявшія Евангеліе.

Печатается по изданiю: Каноны или Книга Правилъ Святыхъ Апостолъ, Святыхъ Соборовъ Вселенскихъ и Помѣстныхъ и Святыхъ отецъ. Съ алфавитнымъ указателемъ для облегченiя нахожденiя нужнаго правила. – Изданiе второе полное. – Монреаль: Изданiе Братства преп. Iова Почаевскаго Русской Православной Зарубежной Церкви, 1974. – С. 11-16.

Наверхъ / Къ титульной страницѣ

0