Святоотеческое наследие
Русскій Порталъ- Церковный календарь- Русская Библія- Осанна- Святоотеческое наслѣдіе- Наслѣдіе Святой Руси- Слово пастыря- Литературное наслѣдіе- Новости

Святоотеческое наслѣдiе
-
Гостевая книга
-
Новости
-
Написать письмо
-
Поискъ

Святые по вѣкамъ

Изслѣдованiя
-
I-III вѣкъ
-
IV вѣкъ
-
V вѣкъ
-
VI-X вѣкъ
-
XI-XV вѣкъ
-
Послѣ XV вѣка
-
Acta martyrum

Святые по алфавиту

Указатель
-
Свт. Іоаннъ Златоустъ
А | В | Г | Д | Е
-
З | И | І | К | Л
-
М | Н | О | П | Р
-
С | Т | Ф | Х | Э
-
Ю | Ѳ
Сборники

Календарь на Вашемъ сайтѣ

Ссылка для установки

Православный календарь

Новости сайта



Сегодня - пятница, 18 августа 2017 г. Сейчасъ на порталѣ посѣтителей - 16.
Если вы нашли ошибку на странице, выделите ее мышкой и щелкните по этой ссылке, или нажмите Ctrl+Alt+E

V ВѢКЪ

Павлова уста – Христова уста. Христова же уста – Павлова уста. Уста Златоустова – Христова и Павлова уста.

Иже во святыхъ отца нашего Іоанна Златоустаго, архіепископа Коньстантина града.
Слово на Святую Пасху учительно, и о еже опоздѣвшихъ къ подвигу пóстному. Благослови отче.

Иже аще кто есть боголюбивъ, благовѣренъ и благочеcтивъ, да пріиметъ сего добраго бисера и насладится нынѣшняго честнѣйшаго торжества. Иже аще кто есть благоразуменъ отъ рабъ благонравныхъ, да внидетъ радуяся въ радость Господа своего. Аще кто дѣлалъ есть постяся, да воспріиметъ нынѣ срéбреникъ. Аще кто отъ перваго часá дѣлалъ есть, да пріиметъ днесь праведныи долгъ. Аще кто по третіемъ часѣ пріиде, благодаря да празднуетъ. Аще кто по шестомъ часѣ достиже, ничтоже да усомнится, ибо ничимъже отщетѣвается. Аще ли кто и девятаго часа улишися, да приступитъ безъ сомнѣнія, ничтоже бояся. Аще кто и и во единыи надесятыи часъ пріиде, да не устрашится срамляяся замедленіемъ: человѣколюбивъ бо есть Владыка, пріемлетъ послѣдняго, якоже и перваго: утѣшаетъ, иже въ единыи надесятыи часъ пришедшаго, якоже дѣлавшаго отъ перваго часá: и послѣдняго милуетъ, и перваго утѣшаетъ, и оному даетъ, и сему дарьствуетъ. И дѣланіе почитаетъ, и предложеніе хвáлитъ, и спѣхъ умéдлившаго любитъ. Тѣмже убо внидѣте вси въ радость Господа своего: и первіи и вторíи и послѣдніи, мзду пріимѝте. Богáтіи и убóзіи и нищіи, другъ сó другомъ ликуйте. Возъдéржницы и лѣнивіи, день почтите. Постившеися и непостившеися, возъвеселитеся днесь. Трапéза церковная готова испóлнь, насладитеся вси. Телецъ упитáнный предлежитъ, никтоже изыди алченъ: вси насладитеся пира церковнаго, вси воспріимите богатьство блáгости. Да никтóже рыдай нищеты, явибося общее царьство. Никтóже да не ослабѣетъ, никтóже да плачется согрѣшеніи, отпущеніе бо кýпно и оставленіе óтъ гроба возъсія. Никтоже да убоится смерти, свободѝ бо насъ Спасова смерть, угасибо ея, Иже отъ нея держимыи. Умýчи ада, Съшедыи во адъ! Гóре бысть ему въкусившу плоть Его. И се предваривъ Исаія возопи: адъ, рече, огорчися, срѣтъ Тя дóлѣ. Огорчися, ибо наругáнъ бысть. Пріятъ тѣло, и Богу приразися. Пріятъ землю, и срѣте небо. Пріятъ, еже видяше, и въпадé, во еже не вѣдяше. Гдѣ ти, смéрте, жало? Гдѣ ти, аде, побѣда? Востá Христосъ, и низъложися адъ. Востá Христосъ, и падóша бѣсове. Воскрéсе Христосъ, и радуются ангели. Воскрéсе Христосъ, и жизнь живетъ во всемъ мирѣ. Воскрéсе Христосъ, и мертвецъ ни единъ вó гробѣ: Христосъ бо воста отъ мертвыхъ, начáтокъ умершимъ бысть. Тому слава и держава, вó вѣки вѣкомъ, аминь.

Печатается по изданію: Тріодь цвѣтная. – М.: Печатный дворъ, 7138 (23.01.1630). – Л. 245-246 об.

Наверхъ / Къ титульной страницѣ

0