Святоотеческое наследие
Русскій Порталъ- Церковный календарь- Русская Библія- Осанна- Святоотеческое наслѣдіе- Наслѣдіе Святой Руси- Слово пастыря- Литературное наслѣдіе- Новости

Святоотеческое наслѣдiе
-
Гостевая книга
-
Новости
-
Написать письмо
-
Поискъ

Святые по вѣкамъ

Изслѣдованiя
-
I-III вѣкъ
-
IV вѣкъ
-
V вѣкъ
-
VI-X вѣкъ
-
XI-XV вѣкъ
-
Послѣ XV вѣка
-
Acta martyrum

Святые по алфавиту

Указатель
-
Свт. Іоаннъ Златоустъ
А | В | Г | Д | Е
-
З | И | І | К | Л
-
М | Н | О | П | Р
-
С | Т | Ф | Х | Э
-
Ю | Ѳ
Сборники

Календарь на Вашемъ сайтѣ

Ссылка для установки

Православный календарь

Новости сайта



Сегодня - пятница, 15 декабря 2017 г. Сейчасъ на порталѣ посѣтителей - 19.
Если вы нашли ошибку на странице, выделите ее мышкой и щелкните по этой ссылке, или нажмите Ctrl+Alt+E

V ВѢКЪ

Свт. Iоаннъ Златоустъ († 407 г.)
I. Проповѣди на двунадесятые праздники.

Проповѣди на Святую Пасху.
Огласительное слово
[1].

Аще кто благочеcтивъ и боголюбивъ, да насладится сего добраго и свѣтлаго торжества. Аще кто рабъ благоразумный, да внидетъ радуяся въ радость Господа своего. Аще кто потрудися постяся, да воспріиметъ нынѣ динарій [2]. Аще кто отъ перваго часа дѣлалъ есть, да пріиметъ днесь праведный долгъ [3]. Аще кто по третіемъ часѣ пріиде, благодаря да празднуетъ. Аще кто по шестомъ часѣ достиже, ничтоже да сумнится, ибо ничимже отщетѣвается [4]. Аще кто лишися и девятаго часа, да приступитъ ничтоже сумняся, ничтоже бояся. Аще кто точію достиже и во единодесятый часъ, да не устрашится замедленія: любочестивъ бо сый Владыка, пріемлетъ послѣдняго, якоже и перваго: упокоеваетъ [5] въ единодесятый часъ пришедшаго, якоже дѣлавшаго отъ перваго часа: и послѣдняго милуетъ, и первому угождаетъ, и оному даетъ, и сему дарствуетъ. И дѣла пріемлетъ, и намѣреніе цѣлуетъ [6], и дѣяніе почитаетъ, и предложеніе [7] хвалитъ. Тѣмже убо внидите вси въ радость Господа своего: и первіи и вторіи, мзду пріимите. Богатіи и убозіи, другъ со другомъ ликуйте. Воздержницы и лѣнивіи, день почтите. Постившіися и непостившіися, возвеселитеся днесь. Трапеза исполнена [8], насладитеся вси. Телецъ упитанный, никтоже да изыдетъ алчай: вси насладитеся пира вѣры, вси воспріимите [9] богатство благости. Никтоже да рыдаетъ убожества [10], явися бо общее царство. Никтоже да плачетъ прегрѣшеній, прощеніе бо отъ гроба возсія. Никтоже да убоится смерти, свободи бо насъ Спасова смерть, угаси ю [11], Иже отъ нея держимый. Плѣни ада, сошедый во адъ! Огорчи его, вкусивша [12] плоти Его. И сіе предпріемый [13] Исаія возопи: адъ, глаголетъ, огорчися, срѣтъ Тя долѣ [14]. Огорчися, ибо упразднися. Огорчися, ибо поруганъ бысть. Огорчися, ибо умертвися. Огорчися, ибо низложися. Огорчися, ибо связася. Пріятъ тѣло, и Богу приразися. Пріятъ землю, и срѣте небо. Пріятъ, еже видяше, и впаде, во еже не видяше. Гдѣ твое, смерте, жало? Гдѣ твоя, аде, побѣда? Воскресе Христосъ, и ты низверглся еси. Воскресе Христосъ, и падоша демони. Воскресе Христосъ, и радуются ангели. Воскресе Христосъ, и жизнь жительствуетъ [15]. Воскресе Христосъ, и мертвый ни единъ во гробѣ: Христосъ бо воставъ отъ мертвыхъ, начатокъ усопшихъ бысть. Тому слава и держава, во вѣки вѣковъ. Аминь.

Примѣчанія:
[1] Полное заглавіе огласительнаго слова слѣдующее: «Слово огласительное во святый и свѣтоносный день преславнаго и спасительнаго Христа Бога нашего воскресенія иже въ святыхъ отца нашего Іоанна, архіепископа Константинопольскаго, Златоустато». Такъ, именно, надписывается это слово во всѣхъ памятникахъ церковной письменности и, въ томъ числѣ, самыхъ древнихъ. Поэтому — нѣтъ никакихъ рѣшительно основаній сомнѣваться въ принадлежности этого слова св. Iоанну Златоусту, какъ дѣлаетъ это Минь, относя его къ числу только приписываемыхъ св. Іоанну и помѣщая его, поэтому, въ своей патрологіи въ разрядѣ твореній «сомнительныхъ». Въ виду большой важности огласительнаго слова, мы помѣщаемъ его сначала на славянскомъ языкѣ, какъ оно читается на пасхальной утрени, а затѣмъ уже даемъ его и въ переводѣ на русскій языкъ.
[2] Серебряныя монеты, бывшія поденною платою работникамъ въ виноградникахъ (Матѳ. 20, 2).
[3] Должную плату.
[4] Пусть нисколько не безпопоится, ибо ничего не лишится.
[5] Успокаиваетъ.
[6] Привѣтствуетъ.
[7] Расположеніе.
[8] Обильна.
[9] Пользуйтесь.
[10] Пусть никто не жалуется на бѣдность.
[11] Истребилъ ее.
[12] Который коснулся.
[13] Предузнавъ.
[14] Въ преисподнихъ своихъ.
[15] Водворяется.

Печатается по изданію: Творенія иже во святыхъ отца нашего Іоанна Златоуста, Архіепископа Константинопольскаго. – Томъ шестой. – Безплатное приложеніе къ журналу «Русскій паломникъ» за 1916 г. – Издательство П. П. Сойкина, Петроградъ, 1916. – С. 38-39.

Наверхъ / Къ титульной страницѣ

0