Святоотеческое наследие
Русскій Порталъ- Церковный календарь- Русская Библія- Осанна- Святоотеческое наслѣдіе- Наслѣдіе Святой Руси- Слово пастыря- Литературное наслѣдіе- Новости

Святоотеческое наслѣдiе
-
Гостевая книга
-
Новости
-
Написать письмо
-
Поискъ

Святые по вѣкамъ

Изслѣдованiя
-
I-III вѣкъ
-
IV вѣкъ
-
V вѣкъ
-
VI-X вѣкъ
-
XI-XV вѣкъ
-
Послѣ XV вѣка
-
Acta martyrum

Святые по алфавиту

Указатель
-
Свт. Іоаннъ Златоустъ
А | В | Г | Д | Е
-
З | И | І | К | Л
-
М | Н | О | П | Р
-
С | Т | Ф | Х | Э
-
Ю | Ѳ
Сборники

Календарь на Вашемъ сайтѣ

Ссылка для установки

Православный календарь

Новости сайта



Сегодня - вторникъ, 24 октября 2017 г. Сейчасъ на порталѣ посѣтителей - 28.
Если вы нашли ошибку на странице, выделите ее мышкой и щелкните по этой ссылке, или нажмите Ctrl+Alt+E

XI-XV ВѢКЪ

Cвт. Кириллъ Ростовскiй († 1262 г.)
Поученiе.

Духовное убо сѣмя въ вашыхъ душахъ уже первое и второе всѣялъ есмь многажды. и нынѣ мольбами святыхъ простираю неключимый свои языкъ къ вашеи любви. огнь сердечныи подгнѣщаетъ уста моя проповѣдати ученія. а не проповѣдавше судъ золъ пріати. вы же вѣрніи. прилѣжно молю вы. приклоните сердецъ вашихъ уши. да услышите. что ученіе се глаголеть. да не безъ пользы отъидете. бывше въ церкви. глаголетъ Кирилъ архіепископъ [1]. аще кто въ бедѣ пособіе отъ кого пріимъ. или книгамъ отъ кого научился будетъ. подобаетъ въ сердцы си таковыхъ удержати и во умѣ. и до дни исходя имя его въ мольбахъ своихъ поминати. аще ли забудетъ кто отъ кого что пріимъ добро. или небреженіемъ. или зависти дѣля. ни начнетъ о нихъ молитися Богу. то и своя ему молитва не пріятна есть. и не можетъ таковый святъ быти. да не мози никто сея заповѣди преступити. иже въ бедѣ пособіе отъ кого пріимъ. или изрученіе отъ поганъ. или искупъ долга люта. или отъ кого ся научивъ божественнымъ книгамъ. не мози никто въ забытіи положити добро сотворшаго. мнози бо не творяще воли Божіа погыбоша злѣ. а иже сотворили заповѣди Его. тіи на небеси и на земли прославлени суть. и со ангели ликуютъ во свѣтѣ радости. но слышимъ. что Павелъ апостолъ рече. пиша къ Тимоѳею. благости и разума навыкъ и во святительскую облечеся подобу. буди вѣдыи. отъ кого еси навыкъ. рекше. въ незабытной памятн имѣй всегда добро сотворшаго. да твоя добродѣтели незабвены будутъ предъ Богомъ. всякъ бо забывъ добро сотворшаго самъ погыбнетъ. а добродѣтель его не воспомянется предъ Богомъ. и яко самъ забы ѝ. тако забвенъ будетъ. самъ бо Господь реклъ есть. милуяй помилованъ будеши. прощая прощенъ будеши. не осужаяй не осудишися. егоже мѣрою мѣрите. отмѣрится вамъ. ащели кто не помнитъ. отъ кого что добро пріимъ. или злословитъ добро сотворшаго. таковыи подобенъ псу голодну. зимою измерзшю. иже согрѣемъ и накормленъ лаетъ на добро сотворшаго. и укусити хощетъ. того ради. братія и сестры. не забываемъ добро сотворшихъ. да спасемся. ащели кто озлобляетъ добро сотворшаго. таковый горше невѣрныхъ осудится лютѣ.

Примѣчанiе:
[1] Слова: «глаголетъ Кирилъ архіепископъ», по всей вѣроятности въ рукописи, съ которой списанъ настоящій списокъ, находились на сторонѣ, а переписчикъ внесъ ихъ въ самый текстъ.

Печатается по изданiю: Памятники Древле-Русской духовной письменности: Поученія Кирилла, епископа Ростовскаго (XIII вѣка). // Журналъ «Православный собесѣдникъ», Казань. – 1859 г. – Книга I. – с. 247-249.

Наверхъ / Къ титульной страницѣ

0